Hiaona aminao aho eo am-bavahadin'ny lanitra!

Nihira ity hira ity izahay 3 mianaka omaly hariva.Lasa saina be aho nandinika ny tonony , hanahoana tokoa re izany fihaonana any an-danitra izany e? ankoatran'ny fihaonanantsika amin'Ilay nandrandraintsika hatrizay hatrizay, dia hahita ireo olona tiantsika rehetra niara-nanompo sy nanolo-tena ho an'Andriamanitra rehetra, mamy angamba izany fotoana izany!!!! mieritreritra izany fotsiny aho dia efa feno be ny foko, tsy andriko ny hahatongavany, tsy hisy intsony ny alahelo, fiderana no hameno ny fo sy ny fanahy, hiaona amin'ireo olo-masina rehetra efa lasa, hahita ireo anjely, hahita ny  havan-tiana maro efa lasa nialoha, ny zandriko lahy tena akaikin'ny foko tokoa ao anatin'izany ,fa indrindra fa hahita ilay Mpanjaka ny Mpanjaka!

Raha hianao no tonga alohako, dia tsenao eo am-bavahady aho, fa ho faly tanteraka aho hahita anao.Raha izaho kosa no tonga aloha dia hiazakazaka aho hitsena sy hamihina anao.