Joyeux noel et bonne année!

Amin'izao ankatoky ny noely sy ny faran'ny taona izao dia amim-pitiavana be dia be no irariako ho antsika rehetra fety sambatra .Maniry aho raha maniry mba samy hahazo ny anjara fifaliany avy ny tsirairay , Jesosy izay ankalazaintsika aminio andro io anie hameno ny banga rehetra eo amin'ny fiainantsika, na vola izany na fahasalamana, na havana ,na namana, na olon-tiana, na izay hafa rehetra mety tsy ananantsika mba ahafahantsika mamakivaky izany fety izany amim-pifaliana tanteraka.
Tsarovy mandrakariva fa nateraka ho antsika Jesosy , nafoiny ny fiadrianany tsara sy tapi-trohatra mba hamonjeny sy hanavotany antsika.Ontsa ny toerana sy ny faharatsiana nisy antsika ny Tompo Andriamanitra ka izay tsara indrindra nananany dia ny zanany lahy tokana no nafoiny antsitra-po mba ahafahantsika mandray ny famonjena, ny fifaliana, ny fiadanam-po, ny rehetra izay ilaintsika.Maimaim-poana ny nanaovany izany.

Fo manahoana no entintsika hisaorana sy ankasitrahana Azy amin'izao fahatsiarovana ny nahaterahany izao? handeha isika hiara-hitsaoka Azy amin'izay tsara indrindra ananantsika, fa mendrika izany Izy.

Masina , masina, Tompo Andriamanitra, henika ny famindram-ponao ny tany, mankalaza anao izahay ary raiso ny haja sy ny saotra ambony indrindra atolotray ho Anao!!!